Franz Kafka

Dr Franz Kafka (* 3. Juli 1883 z Prag, Ööstriich-Ungarn; † 3. Juni 1924 z Kierling, Ööstriich; sälte au tschechisch František Kafka) isch e dütschsproochige Schriftsteller gsi. Er isch us ere bürgerlige jüdische Kaufmaafamilie choo.^[1]

Zu sim Hauptwärk ghööre drei Romään bzw. Romaanfragmänt (Der Process, Das Schloss und Der Verschollene) und e Hufe Erzäälige.

Die mäiste vom Kafka sine Wärk si erst noch sim Dood und gege si Wille vom ene änge Fründ, em Schriftsteller Max Brod, veröffentligt worde. Sithäär zele si ooni Diskussioon zum Kanon vo dr Wältlitratuur, wo si uf e Hufe Arte und für immer beiiflusst häi.

1. ↑ Franz Kafka, Lebensdaten, Werk, Regionaler Arbeitskreis Internet am Oberschulamt Karlsruhe